+7 (777) 001 44 99
Қазақша
Русский
English
Шығыс Қазақстан облысында қар көшкіні жүрді. Құтқарушылар мән-жайды айтты, - деп хабарлайды Tengrinews.kz тілшісі
"Қазселденқорғау" ММ мәліметінше, Ұлан ауданында облыстық маңызы бар Өскемен - Самара тасжолының 101-шақырымында жауын-шашын мол жаууына және жел күшеюіне байланысты жалпы көлемі 370 м3 қар көшкіні түскен.
"Зардап шеккендер мен қираған ғимараттар жоқ. Қар көшкіні жолды жауып тастады. Жол тазартылды. 17-20 қаңтар аралығында облыстың таулы аудандарында көшкін қаупі жарияланды", - деп жазылған хабарламада.
ТЖМ тұрғындарға тауға барудан бас тартуды ұсынады. Көшкін қаупі бар ошақтар тасжолдарға қауіп төндіреді, олардың жанынан өтіп бара жатқанда тоқтамаған жөн.
Айта кетейік, ұялы телефоннан шұғыл қызметтерді шақыру үшін бірыңғай нөмір - 112.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
