+7 (777) 001 44 99
Қазақша
Русский
English
Шығыс Қазақстанда бесінші қабаттан секіріп кеткен әйел аман қалды, - деп хабарлайды YK-news.kz. Оқиға өткен жексенбіде Өскеменнің Новаторов көшесіндегі көп қабатты үйлердің бірінде болған.
Порталдың мәліметінше, 23 жастағы әйел жолдасымен жанжалдасып қалғаннан кейін осындай әрекетке барған. Өз-өзіне қол салмақшы болған әйелдің бірнеше жері сынып, жараланды.
"Әйелге қажетті барлық көмек көрсетілді. Оның қолдары сынып, бетінің кей жерлеріне зақым келген. Құдай сақтады деуге болады, ол бесінші қабаттан құласа да маңызды органдары зақымданбаған. Емделуші есін жиды. Ол бұл қылығы үшін қатты өкінетінін айтты", - дейді екінші қалалық ауруханадағылар.
Айта кетейік, әйелдің осыдан төрт ай бұрын ауданнан облыс орталығына көшіп барғаны анықталды. Ол бала бағушы болып жұмысқа тұрыпты, оның жақында ғана тұрмыс құрғаны белгілі болды.
