+7 (777) 001 44 99
Қазақша
Русский
English
Қазақша
Русский
English
Шымкенттің теміржол станциясында 13 вагон жолдан шығып, аударылды, - деп хабарлайды Tengrinews.kz тілшісі ТЖМ баспасөз қызметіне сілтеме жасап.
Оқиға 24 қазанда сағат 02.31-де Шымкент қаласының теміржол станциясында болған. №117 бағытындағы 13 вагон жолдан шығып (іші бос, құрамында 21 вагон болған), аударылып қалды.
"Қайтыс болғандар мен зардап шеккендер жоқ. Оқиға себебі анықталып жатыр", - деді ҚР ТЖМ ресми өкілі Талғат Уәли.
Оқиға басқа пойыздардың қозғалысына да әсер еткен. Алдын ала мәліметтер бойынша, қазір 5 жолаушысы бар 10 жүк пойызы тоқтап тұр.
Қазіргі уақытта жөндеу-қалпына келтіру жұмыстары жүріп жатыр, "ҚТЖ" АҚ-ның 200 қызметкері, Шымкент, Арыс және Тараз станциясынан 3 бірлік қалпына келтіру пойызы жұмылдырылды.
Оқиға болған жерге Шымкент қаласы ТЖД 6 қызметкері және 3 бірлік техника, Шымкент станциясы Ішкі істер желілік полиция бөлімінің 10 қызметкері және бір техника жіберілді. Жолды босату бойынша жұмыстар атқарылып жатыр. 24 қазан, яғни бүгін сағат 13.00-ге дейін пойыздардың қозғалысы үшін бір жол қалпына келтірілуі керек.
Қазақстан жаңалықтары. Соңғы жаңалықтар. Telegram желісінде бізге жазыл!
