+7 (777) 001 44 99
Қазақша
Русский
English
Шымкентте ламинат сақтайтын қоймада өрт шықты, - деп хабарлайды Tengrinews.kz тілшісі Шымкент ТЖД қоғаммен байланыс тобына сілтеме жасап.
Шымкент ТЖД "101" диспетчерлік пультіне 20 шілдеде сағат 19:47-де Әл-Фараби ауданы, Рашидов көшесінде "Дархан" базары аумағында өрт шыққаны туралы хабарлама келіп түскен.
"Жеке орналасқан бір қабатты көлемі 150 шаршы метр болатын ламинат сақтайтын қойма ішінде ламинат жанды. Өрт салдарынан 1 дана жүк көтергіш зақымданған.
Өрт сағат 20:16-да оқшауланып, сағат 21:16-да толығымен сөндірілді. Зардап шеккендер мен қайтыс болғандар жоқ. Өрттің шығу себебі мен материалдық шығынның көлемі анықталып жатыр", - делінген хабарламада.
Өртті сөндіруге Шымкент ТЖД Өрт сөндіру қызметінің 58 қызметкері мен 14 техникасы, Апаттар медицина орталығы филиалының 1 бригадасы жұмылдырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
