"СК-Фармация" басшысының тұтқындалуы: 1,8 миллиард теңге қолды болған

10 Қазан 2017, 13:20
0
"СК-Фармация" басшысының тұтқындалуы: 1,8 миллиард теңге қолды болған -

Жемқорлыққа қарсы қызмет "СК-Фармация" ЖШС-ның басқарма төрағасы Максим Касаткинге қатысты қылмыстық істің мән-жайын айтып берді, - деп хабарлайды Tengrinews.kz тілшісі Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап. 

"Сыбайлас жеиқорлыққа қарсы қызмет "СК-Фармация ЖШС-ның басшысы М.Е. Касаткин және өзге де тұлғаларға қатысты кепілдендірілген тегін медициналық көмек көлемі шеңберінде дәрілік заттарды сатып алуға бөлінген бюджет қаржысын жымқыру бойынша қылмыстық істі тергеп жатыр" - делінген хабарламада. 

"Касаткин "КазСибФармацея" ЖШС-ның мүддесін қолдап, тендер барысында бұл компанияның өзге бәскелестерінің өтініштерін қабылдамағаны заңсыз болған. Сонымен бірге, "КазСибФармацея" ЖШС дәрі-дәрмекті сатып алуды Денсаулық сақтау министрлігі бекіткен 15 пайыздық үстеме баға көрсеткішінен асырып жүргізген", - деп атап өтті ведомство өкілдері. 

Осылайша, 2015-2017 жылдары "СК-Фармация" ЖШС және "КазСибФармацея" ЖШС-ның басшылары 1,8 миллиард теңгені жымқырған. Осыған байланысты Касаткин мен "КазСибФармацея" ЖШС-ның басшысы А.О. Ахметовке қатысты тұтқындау түріндегі бұлтартпау шарасы қолданылды. Сотқа дейінгі тергеу жүріп жатыр", - делінген хабарламада. 

Мұның алдында 15 қыркүйек күні Максим Касаткиннің ұсталғаны белгілі болған. Денсаулық сақтау министрлігі "СК-Фармация" ЖШС өкілдері басшыларының не себепті ұсталғанын және қандай айыптар тағылғанын білмейтінін мәлімдеген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай