+7 (777) 001 44 99
Қазақша
Русский
English
Қазақша
Русский
English
Солтүстік Қазақстан облысында құтқарушылар былтыр қазанда балық аулауға шығып, жоғалып кеткен ер адамның мәйітін тапты, - деп хабарлайды Tengrinews.kz тілшісі.
2020 жылғы 31 қазанда 57 жастағы ер адам жоғалып кеткен. Volontery Petropavl еріктілер ұйымы ер адам СҚО-да Мамлют ауданындағы "Чистое" көліне қайықпен балық аулауға шыққанын айтты. Сол уақыттан бері ол хабар-ошарсыз кеткендер ретінде тіркелген.
Мамырда ТЖД құтқарушылары жоғалған адамды іздестіру жұмыстарын қайта бастаған. Департаменттің баспасөз қызметі мәліметі бойынша, ер адам белгісіз жағдайда суға батып кеткен. 6 мамырда сағат 13.43-те оның мәйіті қамыстардың арасынан табылып, сот сараптамасына жіберілген.
Айта кетейік, бұған дейін Қарағанды облысында жоғалған кәсіпкердің мәйіті табылғаны хабарланған болатын. Құтқарушылар жоғалған адамды 10 сәуір мен 5 мамыр аралығында Нұра өзенінің арнасы бойымен іздеген. Қаза тапқан адам 50 метр қашықтан, көлік тұрған орыннан төрт шақырым жерден табылды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
