+7 (777) 001 44 99
Қазақша
Русский
English
Солтүстік Қазақстандағы лагерьде 36 бала уланып қалды. Бұл туралы Tengrinews.kz тілшісіне Солтүстік Қазақстан облысы бойынша тұтынушылардың құқығын қорғау департаментінің өкілдері хабарлады. Солтүстік Қазақстан облысының Қызылжар аудандық "Серебряный бор" сауықтыру лагерінде топтық ішек инфекциясын жұқтыру жағдайы тіркелді.
"Дәрігерлердің көмегіне 156 баланың 36-сы жүгінді. Олардың 27-сі жұқпалы аурулар бөліміне, 9-ы аудандық орталық ауруханасына "асқынған ішек инфекциясы" диагнозымен жатқызылды", - деп хабарлады департамент өкілдері.
Департамент өкілдерінің айтуынша, 10 шілдеде таңғы уақыттан бастап уланудың себебін анықтау бойынша эпидемиологиялық тергеу жүргізіліп жатыр. Зерттеуге материалдар алынды. "Серебряный бор" балаларға арналған сауықтыру лагерінде кезекті сауықтыру маусымы өтіп жатыр, бұл кезең 8 шілдеде ашылған еді.
