+7 (777) 001 44 99
Қазақша
Русский
English
13 қазан 2021 | 17:55
Суицид жасағысы келген қызды куәгерлер құтқарып қалды
Елорда тұрғындары, Елена Курочкина мен Дархан Жақсылықов қызды суицидтен құтқарды. Бұл туралы полиция департаменті мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Елорда тұрғындары, Елена Курочкина мен Дархан Жақсылықов қызды суицидтен құтқарды. Бұл туралы полиция департаменті мәлімдеді, - деп хабарлайды Tengrinews.kz тілшісі.
Таңертең сағат 7.20-да полицияға Есіл өзеніндегі көпірден қыздың секіруге тырысқаны туралы хабарлама келген. Оқиға куәгері қыздың киімін шешіп, көпірдің қоршауына жақындағанын көрген.
"Әйел көпірден секіргісі келген қызды әңгімемен алаңдатуға тырысқан. Бақытымызға орай, бір жігіт жүгіріп келген. Бәрі қас қағым сәтте болған. Қыз қоршауға шығып үлгерген. Жігіт оны қолынан ұстап, өзіне тартып, тыныштандырған", - деп хабарлады полиция.
Қызды оқиға орнына келген тәртіп сақшыларына тапсырды.
"Мен ерлік жасадым деп санамаймын, жай өтіп кете алмадым. Қандай да бір себеппен қиын жағдайға тап болған адамға көмектесу - әрқайсымыздың парызымыз", - деді елорданың 28 жастағы тұрғыны.
Полиция департаментінің бастығы Ержан Сәденов құтқарушыларға алғыс айтып, алғыс хаттар табыс етті. Марапаттау кезінде ұлына қолдау көрсетуге Дарханның әкесі келген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
