Шығыс Қазақстанда 10 күн бұрын жоғалып кеткен фермер өлі күйінде табылды

Шығыс Қазақстан облысында осыдан 10 күн бұрын жоғалып кеткен фермер өлі күйінде табылды, - деп хабарлайды YK-news.kz. Марқұмның денесін Тарбағатайдан 23 шақырым жерден Аягөз ауданының жергілікті тұрғындары тауып алған.

Порталдың мәліметінше, қазір полицейлер ер адамның қаза болу себептерін анықтап жатыр. Оның нақты неден қайтыс болғаны сот-медициналық сараптамасынан кейін белгілі болады.

Еске сала кетейік, бұған дейін Шығыс Қазақстанда фермердің із-түcсіз жоғалып кеткені хабарланған болатын. Тарбағатай ауылының 53 жастағы тұрғыны 24 наурызда "Қалібек" шаруа қожалағының қыстағына қарай кеткен. Алайда ол діттеген жеріне жетпепті.