+7 (777) 001 44 99
Қазақша
Русский
English
Оңтүстік Қазақстан облысында автобус жаяу жүргіншіні қағып кетті. Қыз қазіргі уақытта жансақтау бөлімінде жатыр, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.
"Жаяу жүргінші аман қалды, ауруханада жатыр. Жол-көлік оқиғасы дерегі ҚР Қылмыстық кодексінің 345-бабы бойынша сотқа дейінгі бірыңғай тергеу реестріне тіркелді. 1983 жылғы автобус жүргізушісі бағдаршамның қызыл түсіне өтіп кеткен. Кінәсін толықтай мойындады, барлығы видеобақылау камерасына түсіп қалған. 1999 жылғы қыз зардап шекті. Қазіргі уақытта ауыр жағдайда облыстық клиникалық ауруханада жатыр. Қажетті сараптамалар тағайндалды", - деп хабарлады ОҚО ІІД ресми өкілі Салтанат Қаракөзова.
Еске сала кетейік, жол-көлік оқиғасы 19 тамызда болды. Куәгерлердің айтуынша, оқиға "Север" ықшамауданында болған.
