Талдықорған маңында жантүршігерлік жол апатынан 2 адам қаза тапты

Дина Шарипханова Корреспондент

Талдықорған-Үштөбе тасжолында жантүршігерлік жол апаты болды. Екі адам қаза тауып, төрт жолаушы жарақат алды, - деп хабарлайды Tengrinews.kz тілшісі.

Талдықорған-Үштөбе тасжолында жантүршігерлік жол апаты болды. Екі адам қаза тауып, төрт жолаушы жарақат алды, - деп хабарлайды Tengrinews.kz тілшісі.

Алматы облысы Полиция департаменті мәліметінше, 12 қыркүйекте сағат 19.15-те Талдықорған-Үштөбе тасжолының 41-шақырымында Toyota Karina мен Audi 80 автокөліктері бетпе-бет соқтығысқан.

"Жол-көлік оқиғасы салдарынан екі көліктің де жүргізушілері алған жарақатына байланысты қаза болды, ал Тoyota Karina көлігінің төрт жолаушысы түрлі дене жарақатымен Үштөбе ауруханасына жеткізілді. ҚР ҚК-ның 345-бабы 4-бөлігі бойынша қылмыстық іс қозғалды. Оқиғаның барлық себебі мен мән-жайы анықталып жатыр", - деді Алматы облысы ПД баспасөз қызметі өкілі.