+7 (777) 001 44 99
Қазақша
Русский
English
Талдықорғанда жер сілкінісі болды, - деп хабарлайды Тengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
"ҚР БҒМ ҒК СТӘЭ" ММ сейсмикалық станцияларының желісі 2014 жылдың 23 желтоқсаны күні Алматы уақыты бойынша 20 сағат 59 минут 45 секундта жер сілкінісін тіркеді", - делінген хабарламада.
Жер сілкінісінің эпицентрі Талдықорған қаласынан төрт шақырымда және Алматыдан солтүстік-шығысқа қарай 239 шақырымда анықталды. Тербелістің магнитудасы - 5,1. Энергетикалық класы - 10,6. Жерасты дүмпулері 20 шақырым тереңдікте болды.
Талдықорғанда жер сілкінісі МSК-64 шкаласы бойынша 3-4 балл түрінде сезілді.
Еуропа - Жерорта теңізі сейсмология орталығының мәліметінше, жер сілкінісінің магнитудасы 4,1 болды. Еске сала кетейік, мұның алдында 23 желтоқсанда сағат 00.38-де Алматы облысында магнитудасы 4,2-ге тең жер сілкінісі тіркелген еді. Оның эпицентрі Алматыдан 284 шақырымда болды.
