+7 (777) 001 44 99
Қазақша
Русский
English
Талдықорғанда питбуль тұқымды иттердің шабуылынан қайыс болған 7 жастағы балаға қатысты қылмыстық іс қозғалып жатыр, - деп хабарлайды Tengrinews.kz тілшісі.
Қайғылы оқиға 6 қарашада қала маңындағы саяжайлардың бірінде болған. Алдын ала мәліметтер бойынша, иттер қоршаудан шығып, балаға шабуыл жасаған. Оның мойыны мен жамбасы тістеліп, ауыр жарақатпен ауруханаға түскен. Алматы облысы әкімінің баспасөз хатшысы Ғалымұрат Жукелдің айтуынша, дәрігерлер екі сағат бойы баланың өмірі үшін күресіп, ота жасаған. Бірақ амал не, ол аман қалмады.
Полицейлер иттердің иесін тауыпты. Ол 44 жастағы Талдықорған тұрғыны болып шықты. Оның айтуынша, үйінде 6-7 ит бар, олардың көбі - питбультерьерлер екен. Оларды үйді қаруылдау үшін ұстапты.
Алматы облыстық полиция департаменті өкілдерінің мәліметінше, баланың қайтыс болуына байланысты ҚР Қылмыстық кодексінің 104-бабы "Абайсызда кiсi өлтiру" бойынша іс қозғалды.
"Иттерді иесі анықталды. Тергеу облыс департаментінің қатаң бақылауында болады", - деді полиция өкілдері. Енді иттердің иесі ешқайда кетпеу туралы тілхатқа қол қойды. Оның 7 итінің көзі жойылды.
