+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы-Талғар тасжолында 19 жастағы бойжеткен қаза тапқан жол апаты туралы марқұмның туыстары айтып берді, - деп хабарлайды Tengrinews.kz тілшісі КТК телеарнасына сілтеме жасап.
Алматы-Талғар тасжолында 19 жастағы бойжеткен қаза тапқан жол апаты туралы марқұмның туыстары айтып берді, - деп хабарлайды Tengrinews.kz тілшісі КТК телеарнасына сілтеме жасап.
Лаура Әділжанова 23 қаңтарда қаза болды. Қыз таксимен үйіне қайтып бара жатқан кезде Toyota Prado жол талғамайтын көлігі қарсы жолаққа шығып кеткен. Соқтығыс қайғылы оқиғаға ұласып, такси жолаушысы қаза болып, такси жүргізушісінің бауыры жыртылып, жамбас сүйектері сынған.
Жол талғамайтын көлік тізгінінде полиция капитаны болған. Куәгерлер көлік ішінен жартылай бос ішімдік бөтелкелерін көрген. Марқұмның туыстарының айтуынша, келесі күні ер адам құзырлы органдардан шығарылған, ал сараптама ол сау болғанын көрсеткен.
"Джип жүргізушісі мас болған. Такси жүргізушісі ол тіпті жарығын да жақпағанын айтты. Ол көлікті тастап қашып кетті. Көлікте қызбен болған, құзырлы органдарда жұмыс істейді. Сау адам жарығын сөндіріп, қарсы бағытқа шыға ма? Көлікте арақ болған: оны көрген куәгерлер бар", - дейді марқұмның анасы Күләш Кәрібаева.
Қыздың туыстары қазір бұрынғы полиция қызметкері өзінің кінәсіздігін дәлелдеу үшін қолдан келгеннің бәрін жасап жатыр деп отыр. Олар сараптама қорытындысына сенбей, жан-жақты тексеруді талап етті.
"Мен оны көрген кезде ол мас болған. Түтіннің иісі шығып тұрды. Келесі күні біз полиция бөліміне тергеушіге бардық - наркологиялық сараптамадан өткенін білу үшін. Ол жерде оның сау екені көрсетілді. Оның алкогольдік сынамасы теріс болды", - деді марқұмның ағасы Мақсат Әділжан.
Полиция жол талғамайтын көлікті шынымен, әріптесі басқарғанын растады. Бірақ бір күннен кейін оны жұмыстан шығарған. Сараптама қорытындысы іс жүзінде әлі дайын емес, заң аясында тергеу жүріп жатыр.
"Toyota Prado көлігінің жүргізушісі батыс бағытта келе жатып, қарсы жолаққа шығып кетіп, Honda Stream көлігімен соқтығысқан. Жол талғамайтын көлікті полиция қызметкері басқарғаны анықталды. Осы факт бойынша қызметтік тексеру жүргізіліп, 24 қаңтарда тәртіптік комиссияның шешімі бойынша, беделіне нұқсан келтіргені үшін ол ішкі істерден босатылды", - деді Алматы облысы ПД ресми өкілі Ернар Сайділдин.
Оқиғаға кінәлі деген күдікті ұсталып, уақытша қамауға алынған. Қайғылы оқиға үшін ол бес жылға дейін бас бостандығынан айырылуы мүмкін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
