+7 (777) 001 44 99
ПОДЕЛИТЬСЯ
Таразда Toyota Corolla маркалы автомобиль "Айлара Центр" сауда орталығына соғысты, соның салдарынан бір жолаушы қаза тапты, - деп хабарлайды Tengrinews.kz тілшісі Жамбыл облыстық ІІД баспасөз қызметіне сілтеме жасап. Оқиға 11 шілдеде таңғы 06:00-де болған.
Таразда Toyota Corolla маркалы автомобиль "Айлара Центр" сауда орталығына соғысты, соның салдарынан бір жолаушы қаза тапты, - деп хабарлайды Tengrinews.kz тілшісі Жамбыл облыстық ІІД баспасөз қызметіне сілтеме жасап. Оқиға 11 шілдеде таңғы 06:00-де болған.
Көлікті 21 жастағы жігіт басқарған, ол Қонаев көшесімен келе жатқан. Абай көшесімен қиылысқанда, алға жүріп, "Айлара Центр" орталығына соғысқан.
"Жол көлік оқиғасы салдарынан жүргізуші мен екі жолаушы № 1 ауруханаға жеткізілді. Жүргізуші алған жарақаты бойынша қазіргі уақытта ауруханада жатыр, жолаушылардың бірі үйіне қайтарылды, ал тағы біреуі жансақтау бөлімінде қайтыс болды. Жолаушы қыздың айтуынша, көлік тізгінінде болған жігіттің тырысқақ ауруы қозып, ол басқаруды игере алмай, жол апатын жасаған", - деді облыстық ІІД өкілдері.
Осы оқиғаға қатысты ҚР Қылмыстық кодексінің 345-бабы ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") бойынша іс қозғалды. Сот-медициналық сараптама тағайындалды.
