+7 (777) 001 44 99
Қазақша
Русский
English
Қазақша
Русский
English
Жамбыл облысында жүк вагондарының жолдан шығып кетуінің салдары залалсыздандырылды, - деп хабарлайды Tengrinews.kz тілшісі "Қазақстан темір жолы" ұлттық компаниясының баспасөз қызметіне сілтеме жасап. Вагондардың жолдан шығып кетуін не себеп болғанын ұлттық компанияда құрылған комиссия анықтайды.
"Жамбыл облыстық жол бөлімі қызметкерлерінің шұғыл әрекетінің нәтижесінде Шайқұрық станциясында жолдан шығып кеткен күкірт қышқылы тиелген вагондар қалпына келтірілді, вагондардың барлығы рельске қойылды. Зардап шеккендер мен қаза тапқандар жоқ", - делінген хабарламада.
Еске сала кетейік, Таразда вагондар жолдан шығып кетіп, оның салдарынан күкірт қышқылының төгілгені бұған дейін хабарланған болатын. Төтенше оқиға 19 ақпанда Тараздың өнеркәсіптік аймағының аумағында Шайқұрық пен Бурыл станцияларының арасындағы айналма жолда болды. №3604 жүк пойызының күкірт қышқылы тиелген жеті цистернасы жолдан шығып кетті. Күкірт қышқылы төгілген орын белгіленіп, апаттық-жөндеу жұмыстарына 30-дан аса адам жұмылдырылды. Күкірт қышқылы төгілген жерге әк себілді.
