+7 (777) 001 44 99
Қазақша
Русский
English
Қазақша
Русский
English
Теміртау қаласының тұрғыны ашық тұрған құдыққа құлап, аяғын сындырып алды. Жәбірленуші қызға гипс салынды, - деп хабарлайды Tengrinews.kz тілшісі.
18 жастағы жәбірленушіні ата-анасы құдықтан шығарып алды.
"Оқиға сегізінші ықшамауданда болды. Қайта біз қасында болып, ұстап қалдық. Нәтижесінде аяғына гипс салынды. Оқиға күндіз болды. Жасы 18-де. Кішкентай бала түсіп кеткенде не болар еді? Шығарып үлгермес едік", - дейді жәбірленушінің анасы.
Болған оқиға туралы әйел адам әлеуметтік желіде айтты. Желіде жазба пайда болғаннан кейін Теміртау қаласының әкімдігі түсініктеме берді. Ведомство мәліметінше, қыз бала құлап түскен кәріз люгі жеке тұлғаға тиесілі.
Посмотреть эту публикацию в Instagram
"Жеке тұлға жауапқа тартылды. Жәбірленуші мен оның отбасынан кешірім сұраймыз, тезірек сауығып кетуіне тілектеспіз", - дейді әкімдік өкілдері.
Желі қолданушыларының сөзінше, бұл Теміртаудағы алғашқы жағдай емес. Бірнеше жыл бұрын сегіз жасар бала құдыққа түсіп кеткен. Оны әкесі құтқарып қалған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
