+7 (777) 001 44 99
Қазақша
Русский
English
Теміртауда тұрғын үй кешендерінің біріндегі кіреберіс жерден үш айлық қыз табылды, - деп хабарлайды Tengrinews.kz тілшісі Қарағанды облыстық денсаулық сақтау басқармасының баспасөз қызметіне сілтеме жасап. Үш айлық қызды сол үйдің тұрғындарының бірі тауып алып, бірден жедел жәрдем мен полиция қызметкерлерін шақырған.
"Жедел жәрдем қызметкерлері қызды Теміртау қалалық балалар ауруханасына жеткізді. Қыз шамамен 2-3 айлық. Тауып алған әйелдің айтуынша, қыз кіреберіс жерде жатқан. Дәрігерлердің айтуынша, қыздың денсаулығы жақсы. Қазір дәрігерлер оны тексеріп жатыр", - деп хабарлады баспасөз қызметінің басшысы Айжан Иса.
Облыстық ІІД мәліметінше, бұл дерек бірыңғай тіркеу реестріне тіркелді. "Қазіргі уақытта полиция қызметкерлері қыздың анасын іздеу жұмыстарымен айналысып жатыр", - деді полициядағылар.
