+7 (777) 001 44 99
Қазақша
Русский
English
Қазақша
Русский
English
Теміртауда 12 жастағы бала көшедегі төбелес салдарынан қайтыс болды, - деп хабарлайды Tengrinews.kz тілшісі.
Ол төбелесіп жатқан достарын ажыратпақ болған, сол сәтте бір бала оның басынан ұрған, оқиға болған жерде ол есінен танып қалды. Желіде төбелестің видеосы жарияланды.
"Вега ауданында төбелес салдарынан бала қайтыс болды. Ол төбелеспеген, тек ажыратқысы келген. Тобымыз баланың жақындары мен туыстарына көңіл айтады", - делінген видеожазба хабарламасында.
Полиция хабарына қарағанда, 24 шілдеде Старогород полиция бөлімшесінің кезекші бөліміне Теміртау қалалық балалар ауруханасында қаланың 12 жастағы тұрғыны қайтыс болғаны туралы хабарлама түскен. Полиция мәліметінше, жәбірленуші аулада 13 жастағы баламен жанжалдасқан. Төбелеске ұласқан жанжал кезінде оның басына соққы жасалған.
"Дерек ҚР Қылмыстық кодексінің 104-бабы ("Абайсызда қазаға ұшырату") бойынша тіркелді. Тиісті сараптамалар тағайындалды, соталды тергеу амалдары жүріп жатыр", - деді Қарағанды облысы Тергеу басқармасының бастығы Рустам Күлкеев.
Посмотреть эту публикацию в Instagram
Сілтемесіз жаңалық оқисыз ба? Онда Telegram желісінде парақшамызға тіркеліңіз!
