Түркияда қаза тапқан қазақстандық қыздың денесі отанына жеткізілді

Түркиядағы жол апатынан қаза тапқан қазақстандық 18 жастағы Аида Сарабаеваның денесі Қазақстанға жеткізілді, - деп хабарлайды Tengrinews.kz тілшісі ҚР СІМ ресми өкілі Алтай Әбибуллаевқа сілтеме жасап.

"Аида Сарабаеваның денесі бүгін Астанаға жеткізілді. Әуежайда Аиданың әкесі күтіп алды", - деп жазды Әбибуллаев Twitter әлеуметтік желісіндегі микроблогында.

Еске сала кетейік, бұған дейін Түркиядағы ірі жол апатынан 18 жастағы Аида Сарабаеваның қаза тапқаны хабарланған болатын. Жол апаты 6 тамызда, Астана уақыты бойынша 19.30-да болды. Автобус Памуккаледен Анталияға бара жатқан. Апаттан төрт адам қаза тауып, 27 адам жарақаттанды.

ҚР СІМ хабарлауынша, осы автобуста болған қазақстандық алты азамат түрлі жарақатпен Денизли ауруханасына жеткізілді.