+7 (777) 001 44 99
Қазақша
Русский
English
Түркістанда "Яссы" қонақүйі өртеніп, соның салдарынан газ баллоны жарылды, - деп хабарлайды Tengrinews.kz тілшісі ҚР ІІМ ТЖ Комитетінің баспасөз қызметіне сілтеме жасап.
"14 қыркүйекте 11:04-те "101" пультіне Түркістан қаласындағы Саттарханов көшесінің бойындағы "Яссы" қонақүйінде өрт шыққаны туралы хабар түсті. Ғимараттың шатырында өрт шыққан, артында екінші қабатта тұрған газ баллоны жарылған. Өрт сөндірушілер қонақүйден 10 адамды эвакуациялады", - дейді ТЖК ресми өкілі Нұрсұлтан Нұрахметов.
Өрт 11:34-те ауыздықталып, 11:52-де толығымен сөндірілді. Өрт аумағы - 150 шаршы метр.
Зардап шеккендер жоқ. Өрттің неден шыққаны анықталып жатыр.
Өрт сөндіруге Түркістан облыстық ТЖД жеке құрамының 25 маманы мен 8 арнайы техника жұмылдырылды. Полиция қызметкерлері өрт шыққан аймақты қоршауға алды.
