+7 (777) 001 44 99
Қазақша
Русский
English
Түркістан облысындағы Қазығұрт ауданы Қазығұрт елді мекеніндегі үйлердің бірінің ауласында әжетхана шұңқырына бір жасар бала құлап кетті, - деп хабарлайды Tengrinews.kz тілшісі.
Түркістан облысы Төтенше жағдайлар департаменті баспасөз қызметі мәліметінше, 12 мамырда "112" пультіне Түркістан облысы Қазығұрт ауданы Қазығұрт елді мекенінде 2021 жылғы нәресте 4 метр тереңдіктегі әжетхана шұңқырына құлап кеткені туралы хабарлама түскен.
"Сағат 15:03-те құтқарушылар баланы арқанның көмегімен алып шығып, жедел жәрдем қызметкерлеріне тапсырды. Дәрігер тексергеннен кейін бала үйіне шығарылды. Қазір баланың жағдайы тұрақты", - дейді құтқарушылар.
Құтқару жұмыстарына Түркістан облысы Төтенше жағдайлар департаментінің 5 құтқарушысы, жедел жәрдемнің 3 қызметкері мен Полиция департаментінің 2 қызметкері жұмылдырылған.
ТЖД ата-аналар мен ересектерді балаларды қараусыз қалдырмауға шақырады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
