Түркістан облысында көлік пен трактор соқтығысып, бір адам қаза тапты, - деп хабарлайды Polisia.kz.
"Шымкент-Самара тасжолының 141 шақырымында Hyundai Creta маркалы жеңіл автокөлік алда келе жатқан трактормен соқтығысқан. Жол апаты салдарынан жеңіл көліктің бір жолаушысы қаза тапты, екіншісі ауруханаға жеткізілді", - делінген хабарламада.
Қазіргі уақытта апат орнында мамандар жұмыс істеп жатыр.
Жол апаты дерегі бойынша ҚК-нің 345-бабы ("Көлік құралдарын жүргізуші адамдардың жол қозғалысы немесе көлік құралдарын пайдалану ережелерін бұзуы") бойынша сотқа дейінгі тергеу жүргізіліп жатыр. Полиция қызметкерлері оқиғаның мән-жайын анықтап жатыр.
