+7 (777) 001 44 99
Қазақша
Русский
English
Жамбыл облысының Мойынқұм ауданында 56 жастағы ер адам емханадағы компьютерді сындырып кетті, - деп хабарлайды Тengrinews.kz тілшісі облыстық ішкі істер департаментінің баспасөз қызметіне сілтеме жасап.
"Мойынқұм ауданының емханасында Нұрбол есімді ер адам бұзақылық ниетпен статистика кабинетіндегі компьютердің мониторын сындырып кетті. Аудандық ішкі істер бөліміне емхананың меңгерушісі шағымданды. Ішкі істер бөлімінің қызметкерлері 1958 жылы туған Ж. деген азаматты ұстады", - делінген баспасөз қызметінің хабарламасында.
Жергілікті тұрғын істеген ісін мойындады, қазір келген шығын көлемі анықталып жатыр.
Облыстық ішкі істер департаменті желтоқсанның 10-11-і күндері барлығы 22 қылмысты ең қысқа уақыт ішінде әшкерелегенін мәлімдеді. Оның ішінде, бұзақылықтың 5, ұрлықтың 6, алаяқтықтың 4, есірткіге қатысты қылмыстың 1 дерегі тіркелді.
