+7 (777) 001 44 99
Қазақша
Русский
English
Алматыда жанармай құю бекетінің күзетшісі қарумен шабуылдағандарға тойтарыс берген туралы видео Желіде пайда болды, - деп хабарлайды Tengrinews.kz тілшісі "Нұрбанк" АҚ баспасөз хатшысы Айгүл Қасеноваға сілтеме жасап.
Баспасөз хатшысының мәліметінше, оқиға 12 қараша күні, сағат 04:08-де Helios жанармай құю бекеттерінің бірінде болған. 48 жастағы күзетші шабуылдағандарға қарсы тұрып, тіпті оларды ұстамақ болған.
"Сайын көшесіндегі Helios ЖҚБ-не қарулы шабуыл жасалды. Бетперде киген және тапаншамен қаруланған екі адам, жанармай бекетіне басып кіріп, кассадағы ақшаны беруді талап еткен. Айта кетейік, кассада ақша болмаған. Дегенмен ЖҚБ-ның 1968 жылы туған штаттағы күзетшісі қарақшыларға қарсылық көрсетті. Оларға орындық лақтырып, қаруын тартып алмақ болған. Оқ атылды, ешкім зардап шекпеді. Күзетші аман-сау. Қылмыскерлер далаға қашып шықты, күзетші оларды ұстамақ болды. Дегенмен олар қашып үлгерді", - дейді Айгүл Қасенова.
