+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жезқазған маңында зымыран қирандысы құлаған жердегі алапат өрт түсірілген видеп пайда болды, - деп хабарлайды Tengrinews.kz тілшісі. Айта кетейік, өртті сөндіру кезінде бір адамның күйік шалып, қаза тапқаны, тағы бір адамның ауыр жағдайда ауруханаға түскені белгілі.
Жезқазған маңында зымыран қирандысы құлаған жердегі алапат өрт түсірілген видеп пайда болды, - деп хабарлайды Tengrinews.kz тілшісі. Айта кетейік, өртті сөндіру кезінде бір адамның күйік шалып, қаза тапқаны, тағы бір адамның ауыр жағдайда ауруханаға түскені белгілі.
Өрт шалған аумақ 10 мың гектарға жеткен. Қарағанды облыстық ТЖД өкілдері зымыран тасығышы ұшырылған кезде қандай отын түрі қолданылғанын нақтылады.
"Ұшырылған зымыран тасығышы керосин қолданған. Анықтама: "Союз" зымыран тасығышы керосин отынымен ұшады, ал "Протон" зымыран тасығыны гептилмен ұшады", - деп хабарлады облыстық ТЖД өкілдері.
Ескерту! Видеода былапыт сөздер айтылады!
Видеоны Жезқазған тұрғыны Берік Жағыпаров жолдады
ҚР Қорғаныс және аэроғарыш өнеркәсібі министрлігінің баспасөз қызметіндегілер қаза тапқан ер адамның Ресейдің өрт сөндіру ұйымының жұмысшысы екенін хабарлаған. "Ол жерде адамдар болған жоқ. Күтпеген жағдай болып, бір адам қаза тапты. Ол өртті сөндіру кезінде қаза тапты. Өрт сөндірілді. Адам өліміне қатысты тергеумен министрлік ресейлік тараппен бірге айналысатын болады. Себебі қаза тапқан жұмысшы Ресейдің өрт сөндіру ұйымының жұмысшысы болып саналады", - деді баспасөз қызметіндегілер. Адам өлімі дерегі бойынша тексеріс жүргізіліп жатыр.
Еске салайық, 14 маусымда кешкі уақытта қолданушылар WhatsApp мессенджері арқылы Жезқазған маңындағы Талап ауылына зымыран құлағаны туралы хабар тарай бастады. Хабарламада қирандыда гептил (адам өміріне өте қауіпті химиялық улы зат) бар делінді. Ауыл тұрғындарына есік пен терезелерді жабу керектігі және балаларды көшеге шығармау туралы ескерту жасалды. Алайда кейін ҚР ТЖК ресми өкілі Руслан Иманқұлов қирандыда гептил жоқ екенін және мұның нақты мәлімет екенін мәлімдеген еді.
