+7 (777) 001 44 99
Қазақша
Русский
English
ҚР Футбол федерациясының президенті Ерлан Қожағапанов Қазақстанның 2026 жылғы Әлем чемпионатын өткізуге өтінім беруді жоспарлап отырғаны туралы хабарлады, - деп жазады Vesti.kz "Спорт-Экспресс" басылымына сілтеме жасап.
"Ондай жоспар бар. Қазір еліміздің басшыларынан кеңес алып, өз мүмкіндіктерімізді саралап жатырмыз. Экономикамыз қарқынды өсіп, еліміз дамып келеді, сондықтан неге өткізбеске? Біз 2022 жылғы Қысқы олимпиаданы өткізгіміз келеді, одан кейінгі жоспарда - ӘЧ-2026 үшін күресу", - деп мәлімдеді Қожағапанов. Сұхбаттың толық нұсқасын мына жерден оқуға болады.
Еске сала кетейік, бұған дейін Қазақстанның 2026 жылғы Әлем чемпионатын өткізуге өтінім бере алатыны хабарланған болатын. Бұл туралы өткен жылы желтоқсанда Әділбек Жақсыбеков мәлімдеді. Оның айтуынша, Қазақстан 2026 жылғы Әлем чемпионатын өткізуге өтінім бере алады. "Қазірдің өзінде Қазақстан қандай да бір ауқымды шараны өткізуге таласа алатын жағдайға жетті. Ол Еуропа чемпионаты немесе Чемпиондар лигасының ойындары мен Еуропа лигасы болуы мүмкін", - деді ол.
