+7 (777) 001 44 99
Қазақша
Русский
English
Футболдан Ұлыбритания құрамасының жетекшілігі ойыншыларына әлем чемпионаты кезінде теңізге шомылуға тыйым салды, - деп хабарлайды Утро.ру ағылшын бұқаралық ақпарат құралдарына сілтеме жасап.
Ағылшын ұлттық құрамасының басшылары мұндай тыйымды футболшылардың вирустық инфекцияларды жұқтырып алмауы үшін енгізіп отыр. Англия командасы жайғасатын отель жағажайлы ауданда. Соған қарамастан, футболшыларға теңізге түсуге рұқсат берілмейді.
Дегенмен команда жетекшілері ойыншылардың бассейндерде шомылуына тыйым салып отырған жоқ.
Бұған дейін бұл команданың 1400-ден астам жанкүйерінің чемпионат кезінде Бразилияға кіргізілмейтіні хабарланған еді. Ұлыбритания билігі өкілдерінің мәліметінше, бұл адамдар - осы уақытқа дейін футбол кездесулері кезінде бұзақылық жасап, істі болғандар. Еске сала кетейік, футболдан әлем чемпионаты Бразилияда 12 маусым мен 13 шілде аралығында өтеді. Жылдың басты спорттық бәсекесі Сан-Паулу қаласында салтанатты жағдайда ашылады.
