+7 (777) 001 44 99
Қазақша
Русский
English
Андорраны ірі есеппен жеңген Қазақстан құрамасы Халықаралық футбол федерациясының (ФИФА) жаңартылған рейтингінде бір саты көтерілді. Тізім бүгін, 25 қазанда ұйымның ресми сайтында жарияланды, - деп хабарлайды Vesti.kz.
Тізім жаңартылғанға дейінгі қорытынды кезеңде Станимир Стойлов жаттықтыратын команда екі матч өткізген. Ұлттар лигасының топтық кезеңінде қазақстандық футболшылар 13 қазанда Латвия құрамасымен қонақта ойын өткізді (1:1), ал үш күннен кейін өз алаңында Андорраны ойсырата ұтқан - 4:0.
Жаңартылған тізімде Қазақстан 117-орында. Осылайша, еліміздің құрамасы бір саты ғана жоғарылады.
Қазанда өткен халықаралық матчтерден кейін Бельгия құрамасы әлемдік рейтинг көшбасшысы болды, олар Франция құрамасынан бір ұпайға артық жинады. Мұның алдында белгиялықтар мен француздар бірінші орынды бөлісіп тұрған еді. Мұнымен қоса, алғашқы ондықта Англия құрамасы Уругвайды басып озып, бесінші орынға жайғасты.
25 қазандағы ФИФА рейтингі:
1 (1). Бельгия - 1733 ұпай,
2 (1). Франция - 1732,
3 (3). Бразилия - 1669,
4 (4). Хорватия - 1635,
5 (6). Англия - 1619,
6 (5). Уругвай - 1617,
7 (7). Португалия - 1616,
8 (8). Швейцария - 1598,
9 (9). Испания - 1594,
10 (10). Дания - 1584,
...117 (118). Қазақстан - 1166.
