+7 (777) 001 44 99
Қазақша
Русский
English
Бүгін сағат 21.00-де "Астана" - "Қайрат" арасында Қазақстан чемпионатының 13-турының орталық матчі өтеді. Бұл жолы бас санитария дәрігерінің шешімімен матчке көрермендер кіргізіледі, - деп хабарлайды Tengrinews.kz тілшісі.
Ауа райының ыстық болуы мен эфир уақытындағы жүктемеге байланысты ойын 21.00-ге ауыстырылды.
Матч 23 мамырда "Астана Арена" спорт кешенінің алаңында өтеді. Ойынға билет сатылымы кеше басталды. Билет бағасы 500-ден 1 500 теңгеге дейін.
"Нұр-Сұлтан қаласының бас санитария дәрігерінің шешімімен медициналық регламенттің барлық шартын сақтай отырып Қазақстан чемпионатының матчіне қатысуға рұқсат етілді. Стадион 20 пайыздан артық толмауы тиіс", - деп хабарлады "Астана" ФК баспасөз қызметіндегілер.
Көрермендер Ashyq қосымшасы арқылы кіргізіледі. Сондықтан кіреберісте көп адам жиналып қалмауы үшін қосымшаны алдын ала жүктеуге кеңес берілді. Оны орнатқан соң, тіркелу қажет.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
