+7 (777) 001 44 99
Қазақша
Русский
English
Болгар ақпарат құралдарының мәліметінше, қазақстандық "Астана" футбол клубы бас бапкер Станимир Стойловпен келісімшарт мерзімін ұзартуды жоспарлап отыр, - деп хабарлайды Vesti.kz. Айта кетейік, клубтың демеушілері басшылықтың алдына болгар маманын сақтап қалу міндетін қойды.
Ақпарат құралдарының мәліметінше, Стойловтың жалақысын көтеру жоспарланған. Ол бұрынғыдай жылына 700 000 доллар емес, миллион доллар алатын болады. Айта кетейік, Стойловтың "Астанамен" жасасқан келісімшартының мерзімі осы маусымда аяқталады. Ол бұған дейін екі бірдей жақсы ұсыныс алды, ұсынысты Қытай және Катар клубтары жасады. Мысалы, қытай клубы Стойловқа екі жылға келісімшартқа отыруды және жылына 5 миллион доллар жалақыны ұсынды. Толығырақ мына жерден оқыңыздар.
Еске сала кетейік, 48 жастағы Станимир Стойлов 2014 жылдың жаз мезгілінен бастап "Астана" клубын басқарып келеді. Оның басшылық етуімен бұл команда Қазақстан чемпионы атанды, Суперкубокте жеңді және Чемпиондар лигасының топтың кезеңіне өтті.
