+7 (777) 001 44 99
Қазақша
Русский
English
27 шілде 2019 | 13:25
"Атлетико" мадридтік "Реалға" жеті гол салды
Испаниялық "Атлетико" клубы Халықаралық чемпиондар кубогында мадридтік "Реалды" ойсырата жеңді, - деп хабарлайды Vesti.kz.
ПОДЕЛИТЬСЯ
Испаниялық "Атлетико" клубы Халықаралық чемпиондар кубогында мадридтік "Реалды" ойсырата жеңді, - деп хабарлайды Vesti.kz.
АҚШ-та өткен испаниялық қос команданың ойыны 7:3 есебімен "Атлетико" пайдасына шешілді. Корольдік клубтың қақпасына бірінші гол ойын басталысымен кіріп кетті. Осылайша бірінші кезеңде "Реал" қақпасына жауапсыз бес гол кірді.
Жеңімпаз клубтың сапында Диего Коста (1, 28, 45-пенальти, 51), сондай-ақ Жоау Феликс (8), Анхель Корреа (19) және Витоло (70) мадридтік клубтың қақпасынан саңылау таба білді. Жеңілгендер жағында Хосе Начо (60), Карим Бензема (85-пенальти) және Де Ла Фуэнте (89) есепті сәл де болсада қысқартты.
Ойынның 65-ші минутында "Реал" сапындағы Даниэль Карвахаль мен "Атлетико" шабуылшысы Диего Коста алаңнан қуылды.
Айта кетейік, Диего Симеоненің командасы турнирдегі екінші кездесуін өткізді. Осыған дейін, "Атлетико" мексикалық "Гвадалахар" командасын пенальтиден (5:4) жеңді. "Реал" үшін бұл үшінші ойын. Зинедин Зидан шәкірттері "Бавариямен" кездесіп, 3:1 есебімен жеңілген еді. Ал лондондық "Арсеналды" 3:2 есебімен пенальтиден жеңді.
Показать комментарии
Читайте также
