Алматыдағы Әл-Фараби даңғылында түнде ірі жол апаты болды, - деп хабарлайды Tengrinews.kz тілшісі. Жол апаты салдарынан үш көлік пен бірнеше адам зардап шекті.
Алматыдағы Әл-Фараби даңғылында түнде ірі жол апаты болды, - деп хабарлайды Tengrinews.kz тілшісі. Жол апаты салдарынан үш көлік пен бірнеше адам зардап шекті.
Жергілікті полиция қызметі мәліметінше, бұл оқиға бүгін сағат 00:50-де Алматының Медеу ауданында болған.
"Toyota Camry маркалы автокөліктің жүргізушісі Әл-Фараби даңғылымен батыс бағытта, Меңдіқұлов көшесімен қиылыс маңында рульге ие бола алмай, Lexus маркалы автокөлікке соқтығысқан. Әрі қарай инерциямен Toyota Camry қарсы бағытқа шығып кетіп, даңғыл бойымен шығыс бағытта келе жатқан BMW көлігімен соқтығысқан", - деп хабарлады Алматы полициясының баспасөз қызметі.
Осы оқиға салдарынан бес адам медициналық көмекке жүгінген, оның ішінде Toyota Camry көлігінің жүргізушісі бар.
Медеу аудандық ішкі істер бөлімінің қызметкерлері жол-көлік оқиғасының мән-жайын анықтауға кірісті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
