+7 (777) 001 44 99
Қазақша
Русский
English
2 наурызда түнгі уақытта "Сантьяго Бернабеу" стадионында Испания біріншілігінің 26-шы айналымы аясында мадридтік "Реал" мен каталондық "Барселона" арасында ойын өтті, - деп хабарлайды Tengrinews.kz тілшісі.
Әлемдегі ең тартысты кездесу болып саналатын қос команданың бұл жолғы ойыны 0:1 есебімен каталондықтардың пайдасына шешілді.
Гол авторы - Иван Ракитич. Хорват ойынның 26-шы минутында қарсыластар қақпасынан саңылау таба білді.
Еске салайық, 27 ақпанда, Испания кубогының қарымта ойынында "Барселона" футболшылары мадридтік "Реалды" ойсырата жеңіп, жарыс финалына шықты. Барселонада өткен бірінші ойын 1:1 есебімен аяқталған еді. Қарымта ойын Мадридтің "Сантьяго Бернабеу" стадионында болды, есеп 3:0.
60 ұпаймен каталондық команда көш бастап келеді, ал мадридтіктер үшінші орында тұр.
