"Барселона" футбол клубының директорларының бірі Пере Гратакос 2017 жылдың 13 қаңтарында "Клубтың ұстанымына сай келмейтін жеке пікір айтқаны үшін" деген себеппен қызметінен айырылды, - деп хабарлайды Sport.ru.
Басылым экс-директордың басы дауға қалған сөзін келтіріп отыр. "Лео - клубтағы ең маңызды адамдардың бірі, бірақ ол жалғыз емес. Ол Иньеста мен Неймарсыз және басқа ойыншыларсыз бұлай жақсы ойнай алмас еді. Бірақ Месси - үздік", - деп мәлімдепті Гратакос. Қазіргі уақытта клубтағылар Мессимен 2018 жылы келісімшарттың мерзімі аяқталатынына алаңдаулы екен.
