+7 (777) 001 44 99
Қазақша
Русский
English
Қазақстан құрамасының жартылай қорғаушысы Бауыржан Исламхан мәскеулік "Локомотивке" ауыспайтын болды, - деп хабарлайды "Спорт-Экспресс".
Дереккөз мәліметінше, ресейлік клуб Исламханды алу үшін "Қайратпен" келісе алмаған. Футболшының алматылық клубпен жасалған келісімшарты 2019 жылы 31 желтоқсанда аяқталатыны айтылған. Тараптар келіссөздерді Жаңа жылдан соң жалғастыруы мүмкін.
Осыған дейін, алматылық клубтың Бақылаушы кеңесінің төрағасы Қайрат Боранбаев Исламхан мен Исламбек Қуат "Қайраттан" еркін агент құқығымен кеткенін айтқан болатын.
Vesti.kz порталының мәліметінше, Қуат жаңа команда тапқан. Қазақстандық футболшы спорттық мансабын "Оренбург" клубында жалғастырады.
Айта кетейік, Исламхан "Қайрат" сапына 2014 жылы қаңтарда ауысқан, ал Қуат сол жылы жазда ауысты. Осы уақытта алматылық клуб Қазақстан чемпионатының бесдүркін күміс жүлдегері, бір рет қола, сондай-ақ төрт рет Кубокты жеңді және Суперкубокты екі рет жеңді.
