1. Басты
  2. Біл
  3. Спорт
  4. Футбол

Бойы 157 сантиметр желаяқ футболшының жүгірісі жұртты таңдай қақтырды

Видеодан скриншот Видеодан скриншот

Индонезияның жоғары дивизионында "Борнео" клубының сапында ойнайтын 21 жастағы футболшы Теренс Пухири сұмдық жылдамдығын көрсетті, - деп хабарлайды Eurosport.

"Митра Кукар" командасына қарсы сырт алаңда өткізген ойында ол жарты алаңды сұмдық жылдам жүгіріп өтіп, гол соқты. Алты секунд ішінде аяқдопшы шамамен 60 метр жүгіріп өтіп, әсерлі гол салған соң, көрермендер жаға ұстап, таңдай қақты. 

Ал әлеуметтік желі қолданушылары оны Жер шарындағы ең жылдам адам деп атап отыр. Айта кетсек, бұл матч 4:0 есебімен аяқталды. Телеарна мәліметінше, Теренс Пухиридің бойы 1,57 метр. 2017 жылдың бір маусымында футболшы 28 матч өткізіп, алты доп салған.