Бразилияны ұтқан Бельгия құрамасы жартылай финалға шықты

07 Шілде 2018, 09:44
0
Бразилияны ұтқан Бельгия құрамасы жартылай финалға шықты -

Футболдан Бельгия ұлттық құрамасы әлем чемпионатының жартылай финалына шықты, деп хабарлады Vesti.kz. Роберто Мартинес жаттықтыратын құрама ширек финалда Бразилияны жарыс жолынан шығарды.

Қазанда өткен кездесуде Бельгия құрамасы пентакампеондарды 2:1 есебімен ұтты. Бельгиялықтар ойындағы екі голды да бірінші таймда соқты. 13-минутта бразилиялық жартылай қорғаушы Фернандиньо өз қақпасына автогол соғып алды. Ал 31 минуттағы Кевин Де Брюйненің тепкен добын қақпашы Алиссон қайтарып үлгермеді.

Екінші таймда Бразилия құрамасымен есепті теңестіру үшін барын салғанмен, бір голмен ғана шектелді. Ол голды ойынға тыңнан қосылған Ренато Аугусто соқты. Соңғы минуттарда Бельгия құрамасының қақпашысы Тибо Куртуа да бірнеше сэйв жасап, гол соқтырған жоқ. Нәтижесінде 2:1 есебі сақталып, Бельгия жартылай финалға шықты.

Жартылай финалда "қызыл сойқандар" Франция құрамасымен кездеседі. Ойын 11 шілдеде өтеді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай