+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бельгия мен Нидерланды құрамалары футболдан Еуропа чемпионатының плэй-офф кезеңіне жолдама алды, - деп хабарлайды Tengrinews.kz тілшісі.
Бельгия мен Нидерланды құрамалары футболдан Еуропа чемпионатының плэй-офф кезеңіне жолдама алды, - деп хабарлайды Tengrinews.kz тілшісі.
Топтық кезеңнің екінші турында Бельгия Дания футболшыларымен кездескен. Ойын Копенгагенде өтті. Даниялықтар жанкүйерлері алдында ойынды белсенді бастап, 2-минутта есеп ашты - Юссуф Поульсен бельгиялықтардың қателігін сәтті пайдаланды.
Бірақ үзілістен кейін Бельгия сапында Кевин Де Брюйне мен Эден Азар алаңға шыққан. 55-минутта Де Брюйненің пасынан кейін Торган Азар таразы басын теңестірді. Ал 70-минутта Эден Азар дәл пас беріп, Де Брюйне жеңіс голын соқты.
Фото: Reuters©️
2:1 есебімен жеңген Бельгия құрамасы В тобында алты ұпаймен плэй-офф кезеңіне жолдама алды. Ал Данияның еншісінде ұпай жоқ, соңғы орында тұр.
Амстердамда Нидерланды құрамасы Австрияны 2:0 есебімен жеңді. 11-минутта Мемфис Депай пенальтиден гол соқты.
Екінші таймның ортасында Дензел Дюмфрис есепті еселеді. А тобында Нидерланды құрамасы алты ұпаймен бірінші орында тұр, бұл команда да плэй-офф кезеңі шықты. Үш ұпайы бар Австрия үшінші орында келеді.
Фото: twitter.com/EURO2020
Үшінші турда 21 маусымда Солтүстік Македония - Нидерланды, Украина - Австрия матчтері өтеді. Дәл осы күні Финляндия мен Бельгия, Ресей мен Дания күш сынасады.
Еске салайық, бұған дейін Италия құрамасы Еуропа чемпионатының плэй-офф кезеңіне шыққан болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
