+7 (777) 001 44 99
ПОДЕЛИТЬСЯ
Ел біріншілігінде өнер көрсететін алматалық "Қайраттың" жаңа бас бапкері болып испаниялық маман Карлос Алос Феррер тағайындалды, деп хабарлайды Vesti.kz порталы.
Ел біріншілігінде өнер көрсететін алматалық "Қайраттың" жаңа бас бапкері болып испаниялық маман Карлос Алос Феррер тағайындалды, деп хабарлайды Vesti.kz порталы.
Феррердің тағайындалғаны туралы клуб басшысы Қайрат Боранбаев өзінің Instagram желісіндегі парақшасында хабарлады. Испаниялық маман "Қайраттың" тізгінін маусымның соңына дейін ұстайтын болады.
"Біздің клуб Карлоспен бірнеше уақыт бойы жақсы қарым-қатынаста болып келді. Негізі біз оны жылдың соңында командамызға шақырғымыз келген Бірақ клубта болған соңғы жағдайларға байланысты біз бұл маманды қазір шақыртуға мәжбүр болдық. Келісімшарт жыл соңына дейін жасалды. Біздің жағдайымызды түсініп, Феррерді Қазақстан жастар құрамасында қызметінен босатып, бізге көмектескені үшін Қазақстан футбол федерациясына алғыс біледіреміз. Барлығымызға сәттілік тілеймін!", - деді Боранбаев.
42 жастағы Феррер Қазақстанда 2015 жылдан бері қызмет етіп келеді. Ол шымкенттегі "Оңтүстік" академиясында екі жыл жұмыс істеп, Қазақстан жасөспірімдер құрамасын баптап келген еді. Қазақстанға дейін ол Испания, Гонконг және Польшада жастар мен жасөспірімдер академияларында жұмыс істеген.
Испаниялық маман карьерасында тек бір рет қана кәсіпқой футбол клубының бапкері болған. 2015 жылдың қаңтары мен мамыры аралығында "Погонь Седльце" тізгінін ұстап, бар болғаны он кездесу өткізген.
Еске салайық, 21 шілдеде грузин маман Кахабер Цхададзе қызметінен кеткеннен кейін "Қайрат" клубы бас бапкерсіз қалған еді.
