Қазақстан Соломон аралдарын ойсырата ұтып, футзалдан ӘЧ плей-офф кезеңіне шықты

19 Қыркүйек 2016, 08:39
0
Қазақстан Соломон аралдарын ойсырата ұтып, футзалдан ӘЧ плей-офф кезеңіне шықты - © "Қазақстан" телеарнасының кадры
© "Қазақстан" телеарнасының кадры

Футзалдан Қазақстан құрамасы Соломон аралдарын ойсырата жеңіп, Колумбияда өтіп жатқан әлем чемпионатының плей-офф кезеңіне шықты. Ойынды "Қазақстан" телеарнасы тікелей эфирде көрсетті.

Матч 10:0 есебімен аяқталды. Қазақстан құрамасының ойыншысы Арнольд Кнауб (9-шы және 22-ші минуттар), Дуглас (16-шы және 29-шы минуттарда) және Павел Таку (28-ші және 29-минуттар) дубль жасады, ал бір-бір голдан Александр Довгань (4-ші минутта), Лео (18-ші минутта), Илья Мун (29-шы минутта) және Николай Пенгрин (38-ші минутта) соқты. 

Еске салайық, Қазақстан құрамасы турнирдің бірінші ойынында Аргентинадан 0:1 есебімен жеңіліп қалған болатын. Ал екінші ойында Какаудың шәкірттері екінші кезеңде Коста-Рика құрамасын 3:1 есебімен жеңді. Осылайша Қазақстан құрамасы алты ұпаймен Е тобында екінші орын алды. Бірінші орынды топта Аргентина құрамасы 7 ұпайымен алып отыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай