+7 (777) 001 44 99
Қазақша
Русский
English
Мадридтік "Реалдың" шабуылшысы Криштиану Роналду "Барселонаның" шабуылшысы Лионель Мессиді нашар футболшы деп атады. Бұл туралы Lenta.ru порталы Marca басылымына сілтеме жасап хабарлайды.
Испания біріншілігінің 20-турында "Депортивоға" қарсы ойынның алдында футболшылары алаңға алып шығатын балалардың бірі Роналдуге - "Мен үшін сен әлемдегі ең мықтысың, ал Месси...", - деген. Осы кезде португалиялық шабуылшы "Ал Месси - нашар футболшы", - деп сөйлемді бітірген.
Ал "Реал" мен "Депортиво" арасындағы кездесу 7:1 есебімен мадридтік клубтың пайдасына аяқталды. Бұл ойында Роналду екі гол соғып, қабағын жарып алды.
Айта кетейік, 2008 жылдан бері әлемнің үздік футболшысына берілетін "Алтын допты" Роналду мен Месси кезек-кезек алып келді. Қазір бұл екі футболшының еншісінде бес "Алтын доптан" бар.
