+7 (777) 001 44 99
Қазақша
Русский
English
Құрбан Бердыев "Қайрат" футбол клубының бақылау кеңесі төрағасы Қайрат Боранбаевтың кеңесшісі болды. Бұл туралы құрамның ресми сайтында жарияланды, - деп хабарлайды Tengrinews.kz тілшісі.
Маман үш бағытта жұмыс істейді: негізгі құрам, клуб академиясы және "Қайрат-Мәскеу" жобасының жұмысын сүйемелдеу және кеңес беру.
"Жұмыс аралас режимде болады. Оқу-жаттығу кездесулері мен семинарларын өткізу үшін Алматыға тұрақты келу және онлайн форматта. Бүгін академия жаттықтырушылар құрамымен алғашқы кездесу өтіп, оның барысында U14 және U15 академия командаларының жаттығу процесіне талдау жасалды", - делінген хабарламада.
Айта кетейік, Құрбан Бердыев 1991 жылы Мәскеудегі жоғары жаттықтырушылар мектебін бітіріп, екі жыл "Қайрат" бас бапкерінің көмекшісі қызметін атқарған. 1994-1995 жылдары Алматы клубының бас бапкері болды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
