+7 (777) 001 44 99
Қазақша
Русский
English
"Бареслона" шабуылшысы Лионель Месси мадридтік "Реал" форварды Криштиану Роналдумен қарым-қатынасы қандай екенін айтып берді, - деп хабарлайды Tribal Football.
"Достық - жылдар бойы қалыптасады. Менің Роналдумен ешқандай аралас-құраластығым жоқ. Біз сыйлықты табыстау салтанатты шараларында ғана кездесеміз. Сол кезде ғана тілдесіп қаламыз. Бәрі дұрыс, бірақ біз көп ұшыраса бермейміз", - дейді Месси.
Ал Роналду 22 қаңтарда "Барселонадағы" әріптесін "нашар ойыншы" деген еді. Испан чемпионаты ойындарының бірінде футболшы алаңға ертіп шығатын бала: "Сен мен үшін әлемдегі ең мықты футболшысың, ал Месси...", - дей бергенінде, Роналду бұл сөйлемді өзі аяқтаған еді: "Ал Месси - нашар футболшы".
2008 жылдан бері әлемнің үздік футболшысы алатын "Алтын доп" сыйын Роналду мен Месси ғана иеленіп келеді.
