+7 (777) 001 44 99
Қазақша
Русский
English
Футболдан Бразилия құрамасының бұрынғы қорғаушысы Роберто Карлос 1997 жылы Франциямен жолдастық кездесу кезінде айып добын қалай салғанын айтып берді, - деп хабарлайды Vesti.kz.
"Доп анығында қисық ұшқан еді, бірақ желдің әсерінен ол тура қақпаға қарай бет алды. Бұл ғажайып болды", - деп мәлімдеді Карлос. Оның бұл сөзін L'Equipe журналы келтіріп отыр.
Бразилиялық соққыға желдің әсері болғанын 20 жылдан кейін тұңғыш рет айтып отыр. Биыл Карлос мұндай голды жаттығу кезінде талмай еңбек еткенінің арқасында салғанын айтып қалған еді.
Еске салайық, 2010 жылы ғалымдар ойыншының бұл соққысын зерттеп көрген еді. Зерттеу қорытындысы бойынша, ғалымдар футболшының допты қатты иіре тебуінің арқасында осылай соқты деген тұжырымға келген болатын.
