Роналдудың Үндістандағы мүсініне жергілікті халық наразы 30 желтоқсан 2021, 10:05
Үндістандағы Гоа штатында әлемдегі ең танымал ойыншылардың бірі Криштиану Роналдудың мүсіні орнатылды, - деп хабарлайды Tengrinews.kz тілшісі Vesti.kz сайтына сілтеме жасап.
Роналдудың мүсіні Гоа штаты Калангут қаласында орнатылған. Алтын түспен жалатылған тас мүсіннің салмағы - 410 келі. Ал оны жасауға 16 мың АҚШ доллары жұмсалған.
"Криштиану Роналдудың мүсіні Үндістан жерінде алғаш рет орнатылып отыр. Жергілікті жастардың сұранысымен және елімізде футболды дамыту мақсатында осындай қадамға бардық", - деді Гоаның білім және технология министрі Майкл Лобо Twitter-дегі парақшасында.
For the love of football and at the request of our youth we put up Cristiano Ronaldo's statue in the park to inspire our youngsters to take football to greater heights. It was an honour to inaugurate the beautification of open space, landscaping, garden with foundation & walkway. pic.twitter.com/VU5uvlSlMT
— Michael Lobo (@MichaelLobo76) December 28, 2021
Алайда жергілікті халық мүсін орнатылғанына наразы. Басылым мәліметінше, оның басты себебі 1961 жылға дейін Гоа штаты Португалияның колониясы болған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!