+7 (777) 001 44 99
Қазақша
Русский
English
Марибор-Астана матчының трансляциясы көрсетілмейтін болды, - деп хабарлайды Tengrinews.kz тілшісі "Қазақстан" РТРК АҚ баспасөз қызметіне сілтеме жасап.
Баспасөз қызметінің мәліметінше, Словения телевизиясы UEFA Чемпиондар лигасының 2 біліктілік раунды Марибор-Астана матчтың трансляциясы неліктен болмайтынын түсіндіруден бас тартты. Қазіргі таңда балама нұсқаны іздестіру жұмыстары жүріп жатыр.
"Трансляция "Марибор" клубының сайтында жүргізілуі мүмкін. Бұл туралы қосымша хабарланатын болады", - дейді баспасөз қызметіндегілер.
Еске сала кетейік, бұған дейін трансляция "Қазақстан" телеарнасында 14 шілде күні сағат 00.30-да, ал келесі күні, яғни 15 шілдеде екі рет қайталаумен Kazsport телеарнасынан көрсетіледі деп хабарланған болатын.
