УЕФА Қазақстан құрамасының футболшысына қатысты іс қозғады

Дина Шарипханова Корреспондент

Қостанайлық "Тобыл" команда мен Қазақстан ұлттық құрамасының футболшысы Руслан Валиуллиннің допинг-сынамасы оң нәтиже көрсеткеніне қатысты мәлімдеме жасады, - деп хабарлайды Tengrinews.kz тілшісі Vesti.kz басылымына сілтеме жасап.

Қостанайлық "Тобыл" команда мен Қазақстан ұлттық құрамасының футболшысы Руслан Валиуллиннің допинг-сынамасы оң нәтиже көрсеткеніне қатысты мәлімдеме жасады, - деп хабарлайды Tengrinews.kz тілшісі Vesti.kz басылымына сілтеме жасап.

"Тобыл" футбол клубы Руслан Валиуллиннің допингке қарсы ережелерді бұзу ықтималдығына байланысты УЕФА тарапынан тәртіптік іс қозғалғаны туралы ақпарат алды. Барлық ақпарат клуб ішіндегі құзыретті мамандарға жеткізілді, қазіргі уақытта тыйым салынған заттар футболшы қанына қалай енгенін анықтау үшін ішкі тексеру жүргізіліп жатыр", - делінген хабарламада.

Клубтың тағы бір футболшысы Сергей Малый мен Руслан Валиуллиннің допинг-сынамасы "Жилина" - "Тобыл" матчінен кейін алынған.

"Сынақ нәтижесі Русланның жеке поштасына 2 қыркүйекте жіберілген. Ол уақытта футболшы Қазақстан құрамасы делегациясының құрамында Финляндияға аттанған болатын. Клуб қазір істі мұқият зерттеу мақсатында ҚФФ заңды органдарымен үнемі байланыста екенін жеткізеді", - делінген хабарламада.

Еске салайық, Валиуллин 2022 жылғы әлем чемпионатының іріктеу кезеңі аясында 1 қыркүйекте "Астана-Аренада" өткен Украинаға қарсы матчтің басты қаһарманы болған. Ойыншының дублі арқасында Қазақстан құрамасы украиндармен тең түскен - 2:2.

Ойыннан кейін футболшы дубльді жақында өмірден өткен әжесіне арнайтынын айтты.