+7 (777) 001 44 99
Қазақша
Русский
English
Жарақат алған Неймарды дәрігерлердің зембілмен әкетіп бара жатқанын бейнежазбаға түсіріп, ғаламторға жариялаған медбике жұмыстан шығарылды, - деп хабарлайды РИА Новости EL DIARIO NOTICIAS порталына сілтеме жасап.
Дәрігерлердің футболшыны дәліз бойымен кабинетке әкетіп бара жатқан сәтін медбике ұялы телефонға түсірген. Зембіл сүйреген топ ұзап кеткен кезде ол камераны өзіне бағыттап, "виктория" деген жест көрсетеді де, көрермендерге қашықтан сүю сәлемін арнайды. Бейнежазба Интернетте көпшіліктің наразылығын туғызды.
Жергілікті басылымның хабарлауынша, Бразилия құрамасының жараланған ойыншысын ұялы телефонға түсіргені үшін медбике жұмыстан шығарылды.
Еске салайық, ширек финал кезеңіндегі Бразилия - Колумбия арасындағы ойында Неймардың беліне колумбиялық футболшы аяғымен соғылған еді. Шабуылшы бірден Форталеза ауруханаларының біріне жатқызылды. Кейін оның белінің үшінші омыртқасының сынғаны хабарланды. Неймар чемпионаттың келесі кезеңдеріне қатыса алмайтын болды.
