+7 (777) 001 44 99
Қазақша
Русский
English
ЛДПР партиясының жетекшісі Владимир Жириновский Ресей футбол құрамасының бас бапкері Фабио Капеллоны тонаушы деп айыптады, - деп хабарлайды Tengrinews.kz Vesti.kz порталына сілтеме жасап.
"Оның жасаған жұмысын тексеріп, өз еркімен қызметінен кетуді талап ету керек. Бірақ ол - ашкөз, өтініш жазбайтын шығар. Әрине, тегіннен-тегін жеті миллион алған жақсы, команда жеңілді, бірақ бұл оның айлық жалақысына әсер етпейді. Қарақшылар!" - деп мәлімдеді Жириновский.
Жириновскийдің сөзіне қарағанда, Ресей футбол одағының басшыларын шетінен қызметтен қуу керек. Өйткені Капеллоны құрамаға бас бапкер етіп тағайындаған - солар. Сондай-ақ, Жириновский Ресей құрамасының бас бапкері отандық маман болуы тиіс екенін айтады.
Естеріңізге сала кетсек, Бразилияда өтіп жатқан футболдан әлем чемпионатының топтық кезеңінде Бельгия құрамасынан ұтылып, Корея және Алжир командаларымен болған ойында тең нәтиже көрсеткен ресейліктер теңбілдоп додасының плей-офф кезеңіне өте алмаған болатын. Айта кетерлігі, Фабио Капелло Ресей құрамасымен 2018 жылы өтетін әлем чемпионатына дейін келісімшарт жасасқан.
